Plantun de Prouvènço

Pèr coumpara dos planto d'encò nostre

Onobrychis argentea & Humulus lupulus

Onobrychis argentea

Fabaceae Leguminosae

Nom en français : Sainfoin argenté.

Descripcioun :
Aquest esparset, di proun rare, trachis dins li garrigo à roumanin ounte flouris à la primo. Se recounèis à si tijo e fueio cuberto de péu blanc. Li sepalo soun tambèn forço pelouso. La planto èi marcado sus listo roujo, categourìo DD, valènt à dire que mancan d'infourmacioun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Onobrychis
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) flour : 5 mm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à Jun

Liò : Garrigo - Roucaio
Estànci : Mesoumediterran
Couroulougi : Estenoumediterrano-Ouèst
Ref. sc. : Onobrychis argentea Boiss., 1840

Óubloun

Humulus lupulus

Cannabaceae

Àutri noum : Barbouto, Vigno-dóu -Nord.

Noms en français : Houblon, Houblon grimpant.

Descripcioun :
Cadun counèis li pigno (enflourejado) dóu óubloun que douno à la biero soun goust. Es uno planto coumuno au nostre dins li relarg umide e proche d'aigo. Se recounèis peréu à si fueio di tres partido (de cop que i'a entiero) e à si lòngui liano.

Usanço :
Aleva pèr la biero, li pigno podon perfuma mant uno bevèndo o èstre manjado. Ajudon à dourmi (dins d'ùni relarg se n'en fai de coussin). Fau saupre peréu que li jóuini cambo soun manjadisso coume d'espargo. Ei poussible d'utilisa li tijo pèr la banastarié.